“Azərbaycana koronavirusu tez təyin edən testlər gətirilməyib”- TƏBİB

“Azərbaycana hələ ki, koronavirusu tez təyin edən testlər gətirilməyib”. 

Bunu News24.az-ın sorğusuna cavab olaraq Tibbi Ərazi Bölmələrinin İdarəetmə Birliyinin mətbuat xidmətinin rəhbəri Rəvanə Əliyeva bildirib. 

Onun sözlərinə görə,  ÜST-nın nümayəndəsləri də bu haqdakı suallara cavab olaraq bildirib ki, ekspress testlər üzərində işlənilir: 

“Təcili Tibbi Yardım həkimlərində ekspress test yoxdur. Onlar yalnız simtomatik çağırışı qəbul edib, onu yerində müayinə edə bilərlər. Əgər koronavirus şübhə varsa, o zaman yerindəcə analizi nümunəsi götürülür. Daha sonra həmin nümunə labaratoriyada yoxlanılır". 

Qeyd edək ki, Türkiyə Çindən koronavirusu tez təyin edən 2 milyon test alıb. Türkiyə mətbuatının veridiyi məlumata görə, testlərin ilk partiyası bu gün səhər gətirilib. Sözügedən testlər virusu 15 dəqiqəyə müəyyən edir.

Afaq Mirayiq