Koronavirusa təkrar yoluxma mümkündür - TƏBİB

"Sağalmış şəxslərin yenidən koronavirusa yoluxması ilə bağlı araşdırmalar bunun mümkün olduğunu göstərir".

News24.az xəbər verir ki, bunu TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

"Bu gün əldə olunmuş analizlərə görə, yenidən yoluxma baş verə bilər, amma xəstəlik yüngül keçirilə bilər. Amma virusun sonradan hansı mutasiyaya doğru gedəcəyini gələcək göstərəcək. Ona görə də heç kəsin arxayınlaşmaması lazımdır", - o bildirib.