"Çox utanıram, vicdan əzabı çəkirəm" - Əhalinin pulunu mənimsəyən icra başçısı - VİDEO

"Çox utanıram, vicdan əzabı çəkirəm". 

News24.az xəbər verir ki, bu sözləri Dövlət Təhlükəsizlik Xidmətinin (DTX) Biləsuvar İcra Hakimiyyətinin binasındakı xüsusi əməliyyat zamanı çəkilən videoda törətdiyi əməllərə görə ifadə verərkən səlahiyyətlərindən sui-istifadə etmə, təkrar rüşvət alma, mənimsəmə faktlarına görə barəsində həbs qətimkan tədbiri seçilən Biləsuvarın icra başçısı Mahir Quliyev deyib. 

“Bu kimi əməllərə görə, əlbəttə ki, peşmanlığımızı çəkirik. Mən şəxsən özüm buraxdığım səhvlərə, bugünkü durumuma görə çox utanıram, vicdan əzabı çəkirəm” deyərək ifadəsini yekunlaşdırıb. 

Qeyd edək ki, Dövlət Təhlükəsizliyi Xidmətində aparılan cinayət işi üzrə Mahir Quliyev vəzifə səlahiyyətlərindən sui-istifadə etmə, təkrar rüşvət alma, mənimsəmə faktlarına görə Azərbaycan Respublikası Cinayət Məcəlləsinin müvafiq maddələri ilə məsuliyyətə cəlb edilərək barəsində məhkəmənin qərarı ilə həbs qətimkan tədbiri seçilib.