Müdafiə Sənayesi Nazirliyi Müdafiə Nazirliyini yeni rabitə vasitələri ilə təchiz edəcək

Azərbaycanın Müdafiə Nazirliyi ilə Müdafiə Sənayesi Nazirliyi arasında anlaşma memorandumu imzalanıb.

Sənədə Bakı Ekspo Mərkəzində keçirilən "ADEX 2018" üçüncü Azərbaycan Beynəlxalq Müdafiə Sərgisi çərçivəsində müdafiə naziri, general-polkovnik Zakir Həsənov və müdafiə sənayesi nazirinin müavini Yəhya Musayev qol çəkib. 

Memorandum Müdafiə Sənayesi Nazirliyinin Müdafiə Nazirliyini yeni rabitə vasitələri ilə təchizatını nəzərdə tutur.