İsrail həkimləri COVID-19-un effektiv müalicə üsulunu HAZIRLAYIBLAR

israilin Hayfa şəhərindən olan “Pluristem” şirkəti hüceyrə terapiyasından istifadə etməklə ağır vəziyyətdə olan 6 koronaviruslu xəstəni müalicə etdiyini açıqlayıb.
Bu barədə “mignews” portalı yazıb.

Xəstələr bir həftə olaraq İsrailin üç fərqli tibb mərkəzində müalicə alıblar və kəskin tənəffüs çatışmazlığından, həmçinin COVID-19 infeksiyasının səbəb olduğu ağırlaşmalardan əziyyət çəkiblər. Xəstələrin dördündə ürək-damar və böyrək çatışmazlığı kimi digər orqan sistemlərinin çatışmazlığı üzə çıxıb.
“Pluristem”in məlumatına görə, xəstələrdən dördünün tənəffüs fəaliyyəti yaxşılaşıb. Bundan əlavə, əvvəlcədən xəstəlikləri olan iki xəstədə nəfəs alma ilə yanaşı klinik yaxşılaşma müşahidə olunub.

“Pluristem”in PLX-hüceyrələri “immunomodulyator xüsusiyyətlər”ə malikdir. Nəticə immunitet sisteminin təhlükəli hiperaktivasiyasının ləğvi ola bilər. Onun pnevmoniya (ağciyərlərin iltihabı) və pnevmonitdən (ağciyər toxumasının ümumi iltihabı) ölüm hallarını azaltmaq ehtimalı böyükdür.

Məlumata görə, “Pluristem” koronavirusun səbəb olduğu ağırlaşmaları müalicə etmək məqsədiləçoxmillətli bir klinik sınaqların başlanılması üçün müraciət etməyi planlaşdırır. Şirkət artıq ABŞ və Avropadakı əlaqələndirici qurumlarla danışıqlar aparır. /APA/