"Müəllimlərimə konsert verərək qiymət almışam" - RÖYA

"Məktəbi 1998-ci ildə bitirmişəm. Bir onu bilirəm ki, çox populyar idim, "W- Trio"da oxuyurdum. Məktəbə məşhur biri kimi attestat almağa getmişdim".

News24.az xəbər verir ki, bu sözləri Xalq artisti Röya Ayxan "Tap-a- tap" layihəsinə qonaq olarkən deyib. Müğənni verilişdə məktəb illərindən danışıb: "Məktəbi yaxşı oxumamışam. 10 yaşımdan etibarən davamlı olaraq məktəbə gedə bilməmişəm. Qardaşlarım dünyaya gəlib, iki bacı onlara baxmışıq. Müəllimlərimə konsert verərək qiymət almışam. Məktəb illərində yadımda qalan o olub ki, benzin qoxusunu çox sevirdim. Axıra qalıb döşəməni benzinlə silib təmizləmək istəyirdim. Bundan əlavə, Xəyyam Nisanovla davalar edirdik, yuxarı sinfin uşaqları ilə dostluq etməyi sevirdim. Yuxarı sinif uşaqlarından bir-iki oğlanı sevirdim. O vaxtdan elə bir-iki nəfər olub. (gülür) Onların üstündə həmişə Xəyyamla mübahisə edirdik".

Sevda Bayramova