Çimərliklərlə bağlı SAYT İSTİFADƏYƏ VERİLDİ

Mövcud vəziyyət imkan verir ki, çimərliklərdən istifadə edilsin.

News24.az xəbər verir ki, bunu Operativ Qərargahln brifinqində Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.

Ülvi Mehdiyev vurğulayıb ki, çimərliyə getmək üçün xüsusi icazəyə ehtiyac yoxdur:"Vətəndaşlar istədikləri çimərliklərə gedə və istirahət edə bilərlər. İnsanlar bu məsələlərlə bağlı çimərlik.az saytından ətraflı məlumat ala bilərlər. Limiti aşan çimərliklərə icazə verilməyəcək. Pandemiyanın tələbləri əsasında icazələr veriləcək. Ümumilikdə Sumqayıt və Bakının 100-dən çox çimərliyi haqqında məlumatlar portalda qeyd olunub. Çimərliklərdən istifadəyə səhər saat 8-dən axşam 9-a qədər icazə veriləcək. Hər bir çimərlikdə könüllülər qrupu fəaliyyətdə olacaq".