Vüqar Bayramov: "Qarabağ ruhlar şəhərlərinə çevrilib"

"20 faizə yaxın ərazimizin 27 ildən çox işğal altında qalması o torpaqlarımızın iqtisadi potensialından istifadəsinə də imkan verməyib".

News24.az xəbər verir ki, bunu millət vəkili, iqtisadçı alim Vüqar Bayramov deyib.

V.Bayramov bildirib ki, işğaldan əvvəl həyatın, gülüşün olduğu o şəhərlərimiz düşmən ölkənin barbarlığı nəticəsində “Ruhlar Şəhərlərinə” çevrilib:  

"Ötən il Yuxarı Qarabağ iqtisadi rayonu 637 milyon 70 min manat o cümlədən, Ağdam 172 milyon 934 min manat, Füzuli 138 milyin 652 min manatlıq məhsul istehsal edib. 4 rayonu əhatə edən Kəlbəcər-Laçın iqtisadi rayonunda isə cəmi 97 milyon 838 min manatlıq məhsul istehsal olunub. Bu istehsal da həmin rayonlardan bəzisinin bizim nəzarətimizdə olan yaşayış məntəqələrində və respublikanın digər bölgələrində məskunlaşan idarə və müəssisələri hesabına baş verib.

7 rayonumuzun cəmləşdiyi Yuxarı Qarabağın ölkə iqtisadiyyatının əsas sahələri üzrə məhsul buraxılışında xüsusi çəkisi 0.7, Gəlbəcər- Laçın iqtisadi rayonun isə cəmi 0.1 faizdir. Bu o deməkdir ki, uzun müddət işğal altında qalan böyük ərazilərimizin ümümi iqtisadiyyatda payı heç bir tam rəqəmlədə ifadə olunmayb. Qeyd edim ki, Xaçmaz rayonu bütün işğal altında olan bütün rayonlarmız qədər məhsul istehsal edib. Bəzi rayonlarımız hətta da çox istehsala imza atıb. Göründüyü kimi, 27 ildən çox müddətdə böyük iqtisadi potensial Ermənistan işğalı nəticəsində məhv edilib.

Artıq işğaldan azad olunan ərazilərimizin mövcud potensialı, xammal və təbii ehtiyatlar və məhsuldar torpaq sahələrinin həcmini nəzərini nəzər alsaq bərpa mərhələsindən sonra qısa zamanda həmin rayonlarımızda məhsul istehsalının 8 dəfəyə yaxın artacağı proqnozlaşdırılır. Bu o deməkdir ki, çox qısa zamanda həmin ərazilərimizdə yeni iş yerlərinin yaradılmasını və güclü iqtisadi inkişafı müşahidə edəcəyik. Qısa zamanda həyat və gülüş yenidən həmin ərazilərimizə qayıdacaq".