YAŞAT Fondu yardımları mərhələli şəkildə həyata keçirəcək

"Bu fond I Qarabağ Müharibəsi dövründən bu yana şəhidlik statusu almış ailələrə yardım edəcək. II Qarabağ Müharibəsinin şəhid ailələrindən xahiş edirik ki, mart ayına qədər müraciət etsinlər. I Qarabağ Müharibəsində iştirak edənlər isə mart ayından sonra müraciət edə bilərlər. Mərhələli şəkildə yardımları həyata keçirəcəyik".

News24.az xəbər verir ki, bunu "YAŞAT" Fondunun fəaliyyətinə, həmçinin Fondun portalının təqdimatına həsr olunan tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) sədri Ülvi Mehdiyev deyib.