Təhsil naziri virtual dərslərə girməyən müəllimlərlə bağlı məsələyə aydınlıq gətirib

Təhsil naziri Emin Əmrullayev virtual dərslərə girməyən müəllimlərlə bağlı məsələyə aydınlıq gətirib.

News24.az xəbər verir ki, bunu təhsil naziri Emin Əmrullayev bu gün keçirilən brifinqdə deyib. 

Onun sözlərinə görə, hər bir şəxs sosial məsuliyyətini dərk etməlidir: “Bəzi müəllimlərdə həqiqətən internet imkanı yoxdur. Müəllimlərin hər birini sistemdən görürük, amma hər biri ilə bağlı araşdırma mümkün deyil. Bir həftədə 6,2 milyon onlayn dərs verə bilmişik, bu, yaxşı dinamikadır”.

Təhsil Nazirliyinin təhsildə məzmun, tədris və qiymətləndirmə şöbəsinin müdiri Vəfa Yaqubova isə bildirib ki, davamiyyət məktəb tərəfindən nəzarətdə saxlanılır.