10 ilə insanlar içməli su qıtlığı ilə üzləşəcəklər - UNESCO

Bəşəriyyət 10 il ərzində geniş miqyaslı su qıtlığı problemi ilə üzləşə bilər.

News24.az xəbər verir ki, bu barədə UNESCO-nun hesabatında bildirilib. Mütəxəssislərin fikrincə, 2030-cu ilə qədər su qıtlığının həcmi 40 faizə qalxacaq.

Bildirilib ki, insanların üzləşdiyi digər qlobal məsələlər nəzərə alınmaqla vəziyyət daha ciddi ola bilər.

Sənəddə həmçinin pandemiyanın bir çox bölgədə su təchizatı problemini daha da artırdığı və bu gün 2 milyarddan çox insanın suya birbaşa çıxışı olmadığı qeyd edilir.

UNESCO bu problemi həll etmək üçün model hazırlamağı təklif edib.