“Əxlaqsız adamlar, əl çəkin məndən” - Əməkdar artistin qızından “hicab” məsələsin sərt münasibət

Əməkdar artist Firuzə İbadova qızı Hülya ilə birgə tədbirlərdən birinə qatılıb. Bir müddət əvvəl hicaba keçən müğənni qızının yenidən başını açması təəccübə səbəb olub.
Əməkdar artistin qızı məsələyə bu cür aydınlıq gətirib: "Hər kəs məni tanıyır, bilirlər ki, 2011-ci ildə də Məşhəd ziyarətinə gedəndə başımı bağlamışdım. Bu cür ağır ziyarətlərə
gedəndə 40 gün hicaba keçmək lazımdır. Bu il də ziyarətdən gələndən sonra müvəqqəti başımı bağladım. Düzdü, istəyirdim ki, bu, davamlı olsun. Lakin səhhətimlə bağlı olaraq bu istəyimi həyata keçirə bilmədim. Çünki zəhərli zobum var, tez-tez başım gicəllənir. Gah yazırlar ki, başımı bağlayıb, ərə gedirəm!
Mən yoldaşımla kağız üstündə ayrılmışam, biz bir yerdəyik, ayrılmaq fikrim də yoxdur. Sadəcə olaraq, işləri ilə bağlı o xaricdə yaşayır, mən burda. Bakıya gələndə birlikdə oluruq, bizim bir qızımız var.
Məndən yazmağa başqa heç nə tapa bilmirlər, qalıblar daha nə yazsınlar! Bir də görürsən, yazırlar ki, dodağımı şişirtmişəm. Mənim dodağımı şişirtməyimdən sizə nə? İkincisi, də onu deyim ki, məktəb illərindən mənim dodağım bu cürdür. Məni valideynlərim belə dünyaya gətirib, Allah məni belə
yaradıb.
Axı məndən nə istəyirsiz? Əl çəkin məndən, rahat buraxın! Mənim haqqıma girənlərə Allah cəza versin. Mənim haqqımda rəy yazan əxlaqsız adamlar sizsiz, mən yox".

//Milli.Az