"Qızım, bu gün sənə əlim çatmır" Müğənni duyğusal anlar yaşadı

Zəhmətkeş qızım, anam, atam, balam, qardaşım, oğlum... Səni necə əziyyətlərlə böyütdüyümü bir Allah, bir də bizim ailəni yaxından tanıyanlar bilir.

News24.az xəbər verir ki, bu sözləri Əməkdar artist Firuzə İbadova qızı Hülyanın ünvanına yazıb. Müğənni ad günü olan övladını təbrik edib. İbadova bildirib ki, qızı hazırda uzaqda yaşayır:

"Qeyrətli qızım, bu gün sənin ad günündür. Hazırda məndən çox uzaqlardasan, sənə əlim çatmır. Ona görə də sənə sözlərimi buradan göndərirəm. Allahın mənə göndərdiyi bir mələksən, qeyrətli qızım mənim. Həyatdakı tək məhəbbətim, canımdan can olan balamsan. Məni illər öncə nənə etdin, sevindirdin. Həmişə mənə sevinc nəsib etmisən. İnanıram ki, sevincli günlərimiz hələ qabaqdadır. Anan sənsiz çox darıxır. Yüz yaşa, həmişə bizimlə ol".