1,3 milyon "Clubhouse" istifadəçisinin məlumatı İNTERNETƏ SIZDI

"Clubhouse" sosial şəbəkəsinin 1,3 milyon istifadəçisinin şəxsi məlumatları internetə sızıb.

News24.az xəbər verir ki, bu barədə "CyberNews" məlumat yayıb. Bildirilir ki, "Clubhouse" istifadəçilərinin məlumatları populyar haker forumunda pulsuz açıq şəkildə və ödənişsiz formada yayımlanıb.

Sızdırılan məlumatlarda hesab adı, istifadəçi adı, profilə əlavə edilən "Twitter" və "Instagram" hesabları, izləyici və abunə sayı, hesab yaratma tarixi və istifadəçinin dəvətnamə ilə söhbət otağına dəvət yer alır.

Qeyd olunur ki, sızdırılan məlumatlarda kredit kart məlumatları yer almasa da hakerlərin hesabları sındırması üçün yetərlidir.