Cəlilabadda yol polisi növbəti reyd keçirdi - CƏRİMƏLƏNƏNLƏR VAR

Cəlilabad Rayon Polis Şöbəsinin Dövlət Yol Polisi Bölməsinin əməkdaşları tərəfindən yol hərəkəti təhlükəsizliyinin təmin olunması məqsədilə rayon ərazisində növbəti reyd təşkil olunub.

Daxili İşlər Nazirliyinin Mətbuat xidmətinin Lənkəran regional qrupundan News24.az-a verilən məlumata görə, reyd zamanı kobud qayda pozuntularına yol verənlər, həmçinin təhlükəsizlik kəmərindən istifadə etməyən sürücülər aşkarlanaraq onlarla profilaktiki söhbətlər aparılıb.

Nəqliyyatın hərəkətinin sıx olduğu ərazilərdə keçirilən reyd nəticəsində qayda pozan sürücülər barəsində inzibati protokollar tərtib edilib.