Ermənistannın sabiq Baş Qərargah rəisi dövlət sirrini yaymaqda ittiham olunur

Ermənistan Silahlı Qüvvələri Baş Qərargahının keçmiş rəisi general-polkovnik Movses Hakobyana qarşı ittiham irəli sürülüb.

News24.az "Sputnik Armeniya"ya istinadən xəbər verir ki, o, Milli Təhlükəsizlik Xidməti tərəfindən Ermənistan Cinayət Məcəlləsinin 306-cı maddəsi (dövlət sirri olan məlumatların dərc edilməsi) ilə ittiham edilir. 

Qeyd edək ki, M.Hakobyan ötən ilin noyabrında təşkil etdiyi mətbuat konfransında Baş nazir Nikol Paşinyanın Qarabağdakı müharibənin üçüncü günündə səfərbərliyi dayandırdığını və Ermənistanın əldə etdiyi Su-30SM qırıcılarının raketsiz alındığını açıqlamışdı.