Naxçıvanda avtomobil velosipedçini vuraraq öldürdü

Naxçıvan şəhərində ölümlə nəticələnən yol-nəqliyyat hadisəsi olub.

Bu barədə News24.az-a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, mayın 16-da saat 20 radələrində Naxçıvan şəhəri ərazisində Babək rayon sakini A.Niftəliyev idarə etdiyi “Great Wall” markalı avtomobillə yolun hərəkət hissəsində velosiped sürən şəhər sakini Xəyal İsmayılovu vurub. Xəsarətlə xəstəxanaya yerləşdirilən X.İsmayılov mayın 17-də orada ölüb.

Naxçıvan Şəhər Polis İdarəsi tərəfindən araşdırma aparılır.