Həmkəndlisini ov tüfəngi ilə öldürmək istəyən şəxs tutuldu
    • 26-05-2021, 10:02
    • 521

Həmkəndlisini ov tüfəngi ilə öldürmək istəyən şəxs tutuldu

25 may 2021-ci il tarixdə saat 23 radələrində İmişli rayonu, Çaxırlı kənd sakini Alı Alıyevə odlu silahdan açılan atəşlə xəsarət yetirilməsi barədə rayon prokurorluğuna məlumat daxil olub.

İmişli Rayon Prokurorluğundan News24.az-a verilən məlumata görə, aparılan araşdırmalarla müəyyən edilib ki, zərərçəkmişin həmkəndlisi Yadigar Cəfərov şəxsi münasibətlər zəminində aralarında yaranmış mübahisə zamanı ov tüfəngindən atəş açaraq Alı Alıyevi qəsdən öldürməyə cəhd edib.

Faktla bağlı İmişli rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmışdır.
Yadigar Cəfərov şübhəli şəxs qismində tutularaq istintaqa cəlb edilib.

Hazırda istintaq aparılır.