"Qoşunları geri çəkməyə hazırıq, Bakının cavabını gözləyirik" - Paşinyan

"ATƏT-in Minsk Qrupu həmsədrlərinin Azərbaycanla sərhəddəki gərgin vəziyyətlə bağlı planı Ermənistan üçün məqbuldur, Yerevan qoşunlarını geri çəkməyə hazırdır".

News24.az xəbər verir ki, bu sözləri Ermənistanın Baş naziri vəzifəsini müvəqqəti icra edən Nikol Paşnyan siyasi fəallarla görüşdə deyib. O bildirib ki, hazırda məsələ ilə bağlı Bakının razılığını gözləyir: "Biz bunu Bakı ilə eyni anda etmək istəyirik".

Qeyd edək ki, Minsk Qrupu tərəflərə qoşunları geri çəkməyi təklif edir. Daha sonra isə Minsk Qrupunun köməyi ilə sərhədin demarkasiya və delimitasiya prosesinə başlanılmalıdır.