“Binə Atçılıq”dan 4 min dollarlıq yəhərlər oğurlandı

Bakının Xəzər və Səbail rayonlarında oğurluq hadisələri baş verib.

DİN-dən News24.az-a verilən məlumata görə, Xəzər RPİ 2-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində “Binə Atçılıq” MMC-yə məxsus yardımçı təsərrüfatdan 4000 ABŞ dolları dəyərində 2 ədəd yəhər oğurlamaqda şübhəli bilinən Bakı şəhər sakinləri T.Musayev və K.Ələkbərov müəyyən edilərək saxlanılıblar.

Həmçinin Səbail RPİ-nin 39-cu Polis Bölməsinə iyulun 12-də bir əcnəbi vətəndaşın 8000 ABŞ dolları dəyərində qol saatının, mobil telefon və idman ayaqqabısının oğurlanması barədə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Astara rayon sakini Ş.Həsənov müəyyən edilərək saxlanılıb.