Okeana 3 min barrel neft sızdı - ABŞ ekoloji fəlakətlə üz-üzə

Kaliforniyada Sakit Okeana 3000 barreldən çox neft sızıb.

News24.az xəbər verir ki, bu barədə "CNN" məlumat yayıb. Bildirilib ki, buna səbəb neft kəmərindəki nasazlıq olub. 

Hadisənin artıq yerli faunaya da təsir etdiyi vurğulanıb. Okean sahilində ölü quşlar və balıqlar aşkarlanıb. 

ABŞ Milli Nəqliyyat Təhlükəsizliyi Şurası hadisəni araşdırmaq üçün əraziyə mütəxəssislər göndərib.

Hazırda okeandakı neft ləkəsinin uzunluğu təqribən 12 km-dir və yayılması hələlik lokallaşdırılmayıb.