Cəlilabadda obyektlər, Ağcabədidə isə ev yandı

Cəlilabad rayonunun Göytəpə şəhərində ümumi sahəsi 102 m² olan bir dam altında tikilən müxtəlif təyinatlı obyektlərdən (dərzi sexi, bərbərxana və telefon mağazası) ibarət tikilinin tavanı 60 m² sahədə yanıb.

Fövqəladə Hallar Nazirliyindən News24.az-a verilən məlumata görə, tikilinin qalan hissəsi yanğından mühafizə olunub.

Ağcabədi rayonunda isə ümumi sahəsi 30 m² olan fin tipli evin yanar konstruksiyaları və içərisindəki əşyalar, bitişik ümumi sahəsi 49 m² olan birmərtəbəli evin qamışdan ibarət tavanı 10 m² sahədə yanıb.

Evin qalan hissəsi yanğından mühafizə olunub.

Hər iki yanğın yanğından mühafizə bölmələri tərəfindən söndürülüb.