"Bəzi hallarda müəllimlərimiz bilmədən şagirdləri bullinqlərə məruz qoyurlar"

“Bəzi hallarda gənc müəllimlərin sinfi idarə etməklə bağlı təcrübələri az olur. Onlar ötən ilki Müəllimlərin İşə Qəbulu İmtahanlarında uğur qazanıb müəllim olublar. Onların təcrübəsizliyi siniflərdə şagird intizamsızlığına gətirib çıxara bilər".

News24.az xəbər verir ki, bu sözləri məlumatına görə, bunu Ümumi təhsilin təşkili və idarəolunması şöbəsinin müdiri Elnur Əliyev deyib.

O  bildirib ki, bu il işə götürüləcək müəllimlərə sinif idarəetmə təlimi keçiriləcək: "Hədəfləmişik ki, bu il işə götürüləcək müəllimləri yeni tədris ili başlayana qədər, ən geci sentyabr ayının sonunadək sinif idarəetmə təlimindən keçirək. Bəzi hallarda müşahidə də edirik ki, müəllimlərimiz bilmədən şagirdləri bullinqlərə məruz qoyurlar. Bununla bağlı nazirlik Təhsil İnstitutuna tapşırıq verib ki, bullinqlə bağlı öyrədici materialların tədris resusrlarında artırılması istiqamətində işlər aparsın”.