Rus əsilli qadın Ukraynadakı hadisələrə görə oğlunu öldürdü

Rusiya əsilli amerikalı qadın Ukraynada baş verən hadisələrə görə oğlunu öldürüb. Ciddi psixoloji problemi olan şəxs övladını boğub.

News24.az "NBC News"a istinadən xəbər verir ki, 41 yaşlı Nataliya Hiçkok birinci dərəcəli qətl və adam öldürməyə cəhddə ittiham olunur.

O, martın 30-da səkkiz yaşlı uşağını boğduğunu, daha sonra digər 11 yaşlı övladının da başını vannada suya salaraq öldürmək istədiyini etiraf edib. Eyni zamanda o, bildirib ki, bu əməllərdən sonra özünü də bıçaqlayıb.

Hiçkok detektivlərə bildirib ki, o, uzun zamandır psixoloji gərginlik yaşayır və uşaqlarının ondan alınacağını hiss etdiyini düşünüb.

Onun sözlərinə görə, ətrafındakılar ona rus casusu kimi yanaşaraq ehtiyatlı davranıblar.