“Wolt”un kuryerlərindən etiraz: "Bu gündən işləmirik" - FOTO

Bakıda “Wolt” şirkətində kuryer işləyən 100-dən çox işçi etiraz edib.

News24.az xəbər verir ki, bununla bağlı sosial şəbəkələrdə paylaşım edilib.
Bildirilir ki, maaş azlığından şikayətlənənlər şirkətin mobil proqramını dondurublar.
Əməkhaqlarının artırılmasını istəyən işçilər bu gündən işə çıxmayacaqlarını bildiriblər.

Etiraz edənlərin sözlərinə görə, maaş artımı tələb edəndə şirkətdən hədə-qorxu gəlirlər ki, işləmək istəyən, növbədə gözləyən yüzlərlə insan var.