Sulutəpədə avtomobil piyadanı vuraraq öldürdü
    • 25-04-2022, 10:10
    • 316

Sulutəpədə avtomobil piyadanı vuraraq öldürdü

Abşeron rayonunda avtomobil piyadanı vuraraq öldürüb.

Bu barədə News24.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, hadisə aprelin 23-də saat 7 radələrində rayonun Sulutəpə qəsəbəsi ərazisində qeydə alınıb.

Belə ki, Bakı şəhər sakini O.İsmayılov idarə etdiyi “VAZ-2107” markalı avtomobillə yolu keçən Hacıqabul rayon sakini Adil Hüseynovu vurmuş və nəticədə piyada hadisə yerində ölüb.

Baş İstintaq və Təhqiqat İdarəsi tərəfindən araşdırma aparılır.