Tamaşaçılar "Avroviziya"nın münsiflər heyətini saxtakarlıqda ittiham ediblər

Tamaşaçılar İtaliyanın Turin şəhərində keçirilən "Avroviziya 2022" beynəlxalq mahnı müsabiqəsinin münsiflər heyətini tənqid ediblər.

News24.az xəbər verir ki, Dinləyicilərin fikrincə, müsabiqənin yarımfinal nəticələri saxtalaşdırılıb. Onlar Latviya və Albaniya nümayəndələrinə verilən səslərin yenidən hesablanmasını tələb ediblər. "Avroviziya" təşkilatçıları korrupsiyada da ittiham olunublar.

"Bu illər ərzində gördüyüm ən pis "Avroviziya" yarımfinalı oldu. Saxtalaşdırma o qədər aydın görünür ki...", - deyə şounun izləyicilərindən biri yazıb.

Bundan əlavə, tamaşaçılar hakimin qərarına yenidən baxılmayacağı təqdirdə yarışın finalını boykot etməyə çağırıblar. /Oxu.az/