Səkkiz gün komada qalan uşaq həyata qaytarıldı

Səkkiz gün komada qalan uşaq həyata qaytarılıb. 

News24.az xəbər verir ki, bu haqda İcbari Tibbi Sığorta üzrə Dövlət Agentliyindən məlumat verilib.

Bildirilib ki, 2010-cu il təvəllüdlü məktəbli Qusar rayonunda avtomobil vurması nəticəsində xəsarət alıb və Kliniki Tibbi Mərkəzə göndərilib. Mərkəzin üç fərqli şöbəsində çoxsaylı tibbi müdaxilələr görən yeniyetmə üçün hazırda hər-hansı həyati təhlükə yoxdur.

Yeniyetmənin nənəsi Seçmə Maverdiyeva nəvəsinə göstərilən tibbi xidmətdən razılığını ifadə edib və İcbari Tibbi Sığorta üzrə Dövlət Agentliyinə təşəkkürünü bildirib.