Mağaralarda naməlum həyat formaları aşkar edildi - FOTO

Mikroblar Yer kürəsində məlum olan ən kiçik canlı orqanizmlərdir.

News24.az xarici KİV-ə istinadən xəbər verir ki, alimlər bu yaxınlarda Havay adalarında geotermal mağaralarda, lava borularında və vulkanik ventilyasiyalarda inkişaf edən əvvəllər məlum olmayan mikrobları aşkar ediblər.

Araşdırmanın nəticələri “Frontiers in Microbiology” jurnalında dərc olunub.

Bu yeraltı tikililər 500-800 il əvvəl yaranıb və buraya demək olar ki, heç bir günəş işığı düşmür.

Tədqiqatçıların apardıqları araşdırmalar zamanı bəlli olub ki, mikroblar heç birini məlum cins və ya növlərə uyğun deyil.

Yaşı 500 ilə 800 arasında dəyişən köhnə lava borularında geotermal cəhətdən aktiv obyektlərə və ya 400 ildən az olan obyektlərə nisbətən daha müxtəlif mikrob populyasiyaları olub.

Xlorofleksi və Acidobacteria kimi bir neçə bakteriya sinfinə yaşından asılı olmayaraq, demək olar ki, bütün yerlərdə rast gəlinib.

Bu mikroblar öz icmalarında əsas rol oynayırlar. Müəlliflər onları "nodal" növlər adlandırırlar, çünki onlar digər mikrobları birləşdirirlər.

Xlorofleksi mikroblarının nisbətən qaranlıq şəraitdə işıq enerjisindən istifadə edərək ekosistemdə karbon mənbəyi kimi xidmət edə bilməsi mümkündür.