Ukrayna hətta alman ordusunda olmayan silahlar alır - Şolts
    • 2-08-2022, 11:22
    • 252

Ukrayna hətta alman ordusunda olmayan silahlar alır - Şolts

Ukraynaya hərbi dəstəyin azaldılması ilə bağlı yayılan məlumatlar həqiqətə uyğun deyil.

News24.az xarici KİV-ə istinadən xəbər verir ki, bunu “Globe and Mail” nəşrinə müsahibəsində Almaniya Kansleri Olaf Şolts bildirib.
Almaniyanın hökumət başçısı deyib ki, “Rusiyanın Ukraynaya hücumu başlayan ilk günlərdən” ölkəsi Ukrayna Silahlı Qüvvələrini silah və sursatla təmin edir.
"Biz əlimizdə olan hər şeyi çatdırdıq: tank əleyhinə və zenit sistemləri, minalar, silahlar, tonlarla döyüş sursatı və digər yardımlar. Daha sonra biz mürəkkəb və bahalı sistemləri Ukraynaya verməyə başladıq. Özüyeriyən haubitsalar, reaktiv yayılım atəş sistemləri, zenit kompleksləri, radarlar. Bu sistemlərin bəziləri o qədər yenidir ki, onlar çox az istehsal edilib, bəziləri isə hətta Bundesverə təqdim olunmayıb”, - Şolts deyib.