"Qarabağ"ın sabiq futbolçusu "Astana"nın ən yaxşı transferi sayılıb

"Qarabağ"ın sabiq futbolçusu Pedro Enrike  Qazaxıstanın "Astana" klubunun ən yaxşı transferi sayılıb.

Bu, paytaxt təmsilçisinin rəsmi saytı vasitəsilə azarkeşlər arasında aparılmış sorğu nəticəsində müəyyənləşib.
Sorğuya qatılan 4641 nəfərin yarıdan çoxu (53,72 faizi) braziliyalı yarımmüdafiəçinin lehinə səs verib. Enrike Qazaxıstan çempionatında 19oyunda 3 qol və 1 məhsuldar ötürmə müəllifi olub. Serbiyalı müdafiəçi Antonio Rukavina (29,71 faiz) ikinci, konqolu hücumçu Junior Kabananqa (10,67 faiz) üçüncü yeri tutub.
Qeyd edək ki, 2018-ci ilin yayında "Astana" Azərbaycan yığmasının yarımmüdafiəçisi Riçard Almeyda və hollandiyalı hücumçu Rangelo Yanqanı da heyətinə qatıb. Müqavilə üzrə Yunanıstan PAOK-una məxsus Pedro Enrike "Qarabağ"da ötən mövsüm icarə əsasında çıxış edib.

//Report