Oğuzda minik avtomobili yol kənarındakı ağaca çırpılıb

Oğuz rayonunun Bayan kəndində “Ford” markalı minik avtomobili yol kənarındakı ağaca çırpılıb, sürücü nəqliyyat vasitəsində sıxılmış vəziyyətdə qalıb.

Bu barədə News24.az-a Fövqəladə Hallar Nazirliyindən bildirilib.

Məlumatla əlaqədar FHN-nin ən yaxın xilasetmə qüvvələri - Dövlət Yanğından Mühafizə Xidmətinin yanğınsöndürən-xilasediciləri köməyə cəlb olunub.

Həyata keçirilən xilasetmə tədbirləri nəticəsində sürücü müxtəlif xəsarətlərlə zədələnmiş avtomobildən çıxarılaraq təcili tibbi yardım briqadasına təhvil verilib.