DTX casuslarla bağlı məlumatları Meta və Telegram-dan tələb edə bilər

"DTX çox uğurlu bir əks-kəşfiyyat əməliyyatı həyata keçirib. DTX-nın  bir əməliyyatla İranın ölkəmizə qarşı 
casusluq edən  5 əməkdaşının ifşa olunması və vətənə xəyanət maddəsi ilə məsuliyyətə cəlb olunması  istiqamətində fəaliyyəti ciddi, sistemli və uzunmüddətli işin nəticəsi olaraq dəyərləndirilə bilər.Fikrimcə, bu əməliyyat, hətta İran və Azərbaycan arasındakı dövlətlərarası  münasibətlərə ciddi təsir edə biləcək səviyyədə hadisədir.Artıq görünən odur ki, qonşu İranın xüsusi xidməti  açıq-aşkar Azərbaycan əleyhinə casus şəbəkəsi formalaşdırıb və özünün kəşfiyyat maraqlarını həyata keçirir".

News24.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.

O bildirib ki, bu tip hərəkətlər son son zamanlar hətta sosial mediada  açıq fəaliyyət göstərən bəzi iranpərəstlərin də çıxışlarından görsənir: "
Güman etmək olar ki, İranın son zamanlar Azərbaycan əleyhinə təhdidlərinin artmasından, sərhəddə hərbi təlimlər keçməsindən sonra Azərbaycana qarşı işləyən casus şəbəkə də aktivləşib.
DTX-nın bununla bağlı açıqlamasında diqqət cəlb edən həm də bu agentura şəbəkəsinin topladığı  məlumatları Telegram və WhatsApp kimi sosial media resurslarından istifadə etməklə ötürməsidir.
Maraqlıdır ki, bu agentura şəbəkəsi daha təhlükəsiz olan Signal -dan deyil, FETÖ şəbəkəsinin istifadə etdiyi ByLock tipli mesencerlərdən deyil, daha adi olan sosial resurslardan istifadə ediblər".

Onun sözlərinə görə, artıq DTX Meta şirəkətinə  və Telegram -ın ofislərinə cinayət məsuliyyətinə cəlb olunanlarla bağlı əlavə məlumatların verilməsi üçün müraciət edib:"Bu qlobal resurslar beynəlxalq normalara görə cinayət işi başlananlarla bağlı əsaslandırılmış sorğular daxil olduqda məlumatları təqdim etməyə borcludur.
Amma adətən bu tip qlobal şirkətlərdə ikili standartlar da olur.
Odur ki, ofşorda yerləşən Telegram-ın casuslarla bağlı məlumatların Azərbaycan tərəfinə verəcəyi inandırıcı görsənməsə də, düşünürəm ki, Meta şirkətindən WhatsApp istifadəçisi olan casus şəbəkə üzvləri haqqında məlumatları əldə etmək olar.
Xüsusi xidmət orqanlarımızın İranın agentura şəbəkəsinə qarşı fəaliyyəti təqdirəlayiqdir".