Priqojinlə bağlı şok iddia: - öldürmək planını o hazırlayıb

Yevgeni Priqojinin ölümündə Rusiya Təhlükəsizlik Şurasının rəhbəri Sergey Patruşev əli olub.

News24.az xəbər verir ki, bu barədə “Wall Street Journal”da dərc olunan məqalədə deyilir.

Nəşrin yazdığına görə, 2022-ci ilin yayından başlayaraq Patruşev hakimiyyətə bir neçə dəfə Priqojinin təhlükəli ola biləcəyi barədə xəbərdarlıq etsə də, onu ciddi qəbul etmədilər, çünki "Vaqner" RMC cəbhədə uğur qazanırdı. 

Lakin oktyabrda Priqojin Rusiya prezidentinin adını çəkərək kifayət qədər kəskin tonda sursat çatışmazlığını elan etdi, bundan sonra onların təmaslarının dayandırıldığı iddia edildi və Putin Vaqnerlə Müdafiə Nazirliyi arasında ictimai fikir ayrılığına müdaxilə etmədi.

“Vəziyyət 2023-cü ilin iyun qiyamı zamanı gərginləşdi. Daha sonra Patruşev Priqojinə yaxın zabitləri onunla əlaqə saxlamağa və ondan üsyanı dayandırmağı xahiş etməyə inandırmağa çalışıb. O, həmçinin Qazaxıstan prezidenti Kasım-Jomart Tokayev və Belarus prezidenti Aleksandr Lukaşenko ilə əlaqə saxlayıb, münaqişənin həllində vasitəçilik istəyib.Üsyan bitdikdən sonra Patruşev Priqojini öldürmək planını hazırlamaq əmrini verdi. Ölkənin ali rəhbərliyi bundan xəbərdar olsa da, onun hazırlanmasına qarışmayıb”, - deyə məqalədə qeyd edilib.

Ayşən