"Heç olmasa SUSUN..." - Zaxarovadan Kolonnaya sillə kimi CAVAB

“Paris Qarabağ məsələsini yalan bəyanatlarla oynamağa çalışır”.

News24.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Fransa XİN rəhbərinin Rusiyanın üçtərəfli saziş üzrə öhdəliklərini yerinə yetirməməsi ilə bağlı bəyanatını şərh edərkən bildirib.

“Fransa Minsk razılaşmalarının (Ukrayna məsələsi üzrə – red.) icrasının həm sponsoru, həm də təminatçısı idi. Mən Ketrin Kolonnanın yerində olsaydım, Fransanın özünü vasitəçi adlandırdığı və ya özünü vasitəçi hesab etdiyi ölkələr arasında münasibətlərin tənzimlənməsi ilə bağlı təminat və öhdəliklər barədə yenə də susardım”, - o bildirib.

Zaxarova qeyd edib ki, Rusiya 2020-ci il noyabrın 9-da qan tökülməsini dayandırıb, 2020-ci ildən 2022-ci ilə qədər olan dövr üçün bir sıra üçtərəfli bəyanatlar toplusunu, Bakı ilə İrəvan arasında barışıq üçün “yol xəritəsi” adlandırılan sənədi razılaşdırıb. Onun sözlərinə görə, bu hadisələr Aİ və ABŞ tərəfindən təkrarlanmağa başlanıb, sonra isə bu regionun əhalisinə məhəl qoymadan öz maraqlarına uyğun olaraq sadəcə təhrif edilib.

“Rusiya 2023-cü il sentyabrın 20-də atəşkəsi təmin edib. Fransa nə etdi, Brüssel və bütün Aİ nə etdi? Dünya ictimaiyyətinə təqdim etmək üçün bir şey. Ən azından dünya ictimaiyyətinə təqdimat üçün nəsə. Sözlərdən başqa, uzun sürən qlobal PR kampaniyasından başqa...”, - Rusiya XİN sözçüsü bildirib.

Akqabay