Polad Bülbüloğlu: "Azərbaycan və Çeçen münasibətlərinə xələl gətirmək istəyən hər kəs cəzalandırılmalıdır“ – VİDEO

“Üçüncü qüvvə var ki, Azərbaycanla Çeçen arasında münasibətlərin pozulmasına can atır. Amma onların bu istəyi alınmır. Çünki bizim dostluğumuz uzun illərə dayanır və sınanılmışdır”.  

News24.az bildirir ki, bunu Azərbaycanın Rusiyadakı səfiri Polad Bülbüloğlu Çeçen Respublikasının prezidenti Ramzan Kadirovun köməkçisi, Dövlət Dumasının deputatı Adəm Dəlimxanovla görüşündə deyib.

P.Bülbüloğlu baş verən hadisənin tez bir zamanda həll olunduğu üçün A.Dəlimxanova təşəkkürünü bildirib:

“İki qardaş millət arasında nifaq təkcə Moskvada deyil, bütün Rusiyada yaratmaq istəyiblər. Kim bunu edirsə və bilərəkdən münasibətlərimizi pozmaq istəyirsə cəzalandırılmalıdır”.

Ülkər QASIMOVA