ASAN Xidmətdə polisi söyən şəxs həbs edildi

Bakı şəhər Nərimanov rayonu Əhməd Rəcəbli küçəsində yerləşən ASAN Xidmət mərkəzinin qarşısında polis əməkdaşını söyən şəxs həbs edilib.

News24.az-ın əldə etdiyi məlumata görə, hadisə gecə saat 22 radələrində baş verib. Ağstafa şəhər sakini olan 1990-cı il təvəllüdlü A.S sərxoş vəziyyətdə mərkəzin polis mühafizə postuna daxil olaraq söyüş söyüb.

Bunu görən mühafizəçi naryad çağırıb. Həmin şəxs saxlanılaraq ərazi üzrə 17-ci Polis Bölməsinə aparılıb və barəsində inzibati protokol tərtib edilib.

Daha sonra saxlanılan şəxs Nərimanov Rayon Məhkəməsinə göndərilib.

Məhkəmənin qərarı ilə A.S. İnzibati Xətalar Məcəlləsinin 510-cu (Xuliqanlıq) maddəsi ilə təqsirli bilinib. Ona 5 sutka inzibati həbs cəzası verilib.

Taleh BAĞIROV