Sürücü 3 nəfəri vurub hadisə yerindən qaçdı

İstanbulun Tuzla bölgəsində idarəetməni itirən sürücü səkidə oturan 1 uşaq və 2 qadını vurub. 

News24.az “Hürriyət”ə istinadən xəbər verir ki, sürücünün vurduğu 3 nəfər piyada binanın boşluğu ilə səki arasında qalıb.

Qəzadan sonra sürücü avtomobilini hadisə yerində qoyaraq qaçıb. Avtomobilin altında qalan uşaq özü oradan çıxıb.

Hadisə yerinə xilasedicilər cəlb edilib. Yaralılar xəstəxanaya aparılıb. Polis tərəfindən sürücünün saxlanılması istiqamətində iş aparılır. 

Nərmin Murad