Belçika Vardanyanı biabır etdi: Bunu o təşkil edib, Qarabağda həmin ssenari...

“Sözdə deyil, əməldə öz kursunu qərbyönümlü istiqamətə dəyişmək Ermənistanın maraqlarına uyğundur. Bu, Azərbaycan üçün də faydalıdır, qarşılıqlı faydalı əməkdaşlıq üçün ilkin şərait yaradır və iqtisadi artımın əsasını qoyur. Münaqişənin bitməsi ilə məğlub olan və regionda təsir rıçaqlarının itirən güc Rusiya Federasiyasıdır”.

News24.az xəbər verir ki, bu barədə Belçikanın nüfuzlu “EUReporter” nəşri yazıb.

Nəşr qeyd edir ki, "Ağdam-Xankəndi yolunun bağlanmasını Putinin emissarı, separatçıların keçmiş “dövlət naziri” Ruben Vardanyan təşkil edib". 

“Bu, sadəcə sübut edir ki, digər iki tərəf faktiki olaraq sülh istəməsinə baxmayaraq, Kreml regionda sabitliyi pozmaqda qərarlıdır. Putin əvvəllər Ukrayna, Cənubi Osetiya və Dnestryanıda istifadə etdiyi ssenarini Qarabağda da tətbiq edir. Rusiya siyasəti Qarabağdakı erməni separatçılarını Rusiya hərbi kontingentinin qeyri-müəyyən müddətə qalmasını və Rusiya Federasiyasına qoşulmaq üçün referendum keçirilməsini müdafiə etməyə vadar edir. Bütün bunlar çox tanış səslənir, elə deyilmi?

Düşünə bilərsiniz ki, Cənubi Qafqazda baş verən bu hadisələr Avropaya necə təsir edir və həyat xərcləri böhranı ilə kəskinləşən enerji böhranı fonunda Aİ nə üçün onlara diqqət yetirməlidir? Cavab sadədir: regionda davamlı sülh Azərbaycandan enerji tədarükü üçün yeni nəqliyyat dəhlizlərinin açılması və Rusiyadan yan keçməklə Çin və digər Asiya ölkələrindən yüklərin daşınması deməkdir. Bu, Rusiyanın enerji şantajına son qoyacaq və Avropaya mal idxalını ucuzlaşdıracaq.

Avropa İttifaqı və ABŞ-nin Bakı ilə İrəvan arasında danışıqlar prosesində fəal iştirakı və regionda vəziyyətin sabitləşməsi Putini Cənubi Qafqazdakı mövqelərindən məhrum edəcək. Bu, həm də “böyük qardaşının” təqibindən xilas olmuş Ermənistanın Qərbə doğru son istiqamətini dəyişməsinə töhfə verəcək”, - nəşr qeyd edib.

Akqabay