Ruhi Əliyeva: “Kaş hamınıza əl tuta bilərdim” VİDEO

Azərbaycanlı iş xanımından od çərşənbəsi üçün əriştəli plov...

Azərbaycanın tanınmış iş xanımı, “Liatris Holdinq”in rəhbəri Ruhi Əliyeva ənənəsinə sadiq qalaraq, yenə də sevənlərinin görüşünə gəlib.

News24.az xəbər verir ki, Ruhi Əliyeva bu dəfə şəxsi Vloqunda Od çərşənbəsi münasibətilə mətbəxə keçib, milli mətbəximizə məxsus “əriştəli plov” yeməyini bişirib.

Bişirə-bişirə yeməyin tərifini verən iş xanımı, gedişatda maraqlı mövzulara toxunub. Ruhi xanım ilk olaraq rəhbərlik etdiyi “Liatris Holdinq”in martın 8-i Bakı Konqress Mərkəzində baş tutacaq türk müğənnisi Sibel Canın konsert hazırlıqlarından danışıb. Ardından daha bir türk məşhurun – dj Kərimcan Durmazın apreli 9-u Bakıda baş tutacaq konserti barədə xəbər verib.

İş xanımı eləcə də sosial şəbəkələrdə izləyicilərin ona ünvanladığı suallar barədə də danışıb. Bildirib ki, zaman ayırıb, ünvanlanan suallara tək-tək cavab verəcəyini açıqlayıb. Həssas olduğunu önə çəkən Ruhi Əliyeva, durumu çətin olan insanlara təsəlli verib. Eləcə də “instagram” səhifəsində drektinə ünvanlanan mesajlara baxmadığının səbəbini açıqlayıb. O bildirirb ki, bəzən drektinə elə ürəkağrıdan şəkillər yollayırlar ki, bu, onu məyus edir. Sözügedən şəkillərdən təsirləndiyini, o acıları sahibləri ilə birgə yaşamış kimi hiss etdiyini vurğulayıb. Bu cür pessimist məqamlara toxunan iş xanımı hər kəsi ruhdan düşməməyə, həyata optimist baxmağa səsləyib.

Sonda Ruhi xanım doğmaları ilə birgə bayram tonqalının ətrafına yığışıblar.

Azər NƏSİBOV
VİDEO: Adil AĞAYEV / Nicat İBRAHİMLİ