"Ölkəmizi mürəkkəb dövr gözləyir" - Kuleba

"Ölkəmizi çox mürəkkəb bir dövr gözləyir".

News24.az Ukrayna mətbuatına istinadən xəbər verir ki, bunu ölkənin xarici işlər naziri Dmitro Kuleba bildirib.

O, fikrini dünya ölkələri arasında Rusiya ilə danışıqlara başlamaq barəsində çağırışların artması ilə əlaqələndirib:

"Xəbərdarlıq edirəm ki, bizi çox çətin zaman gözləyir. Son zamanlar bəzi ölkələr bizi Rusiya ilə danışıqlara məcbur ermək istəyir. Bəyan edirik ki, biz hər şeyi beynəlxalq hüquq çərçivəsində həyata keçirmək niyyətindəyik. Eyni zamanda daxildən yönələn analoji çağırışların qarşısını almaq üçün Cinayət Məcəlləsinə dəyişiklik ediləcək. Qarşıda bizi beynəlxalq səviyyədə çox mürəkkəb danışıqlar prosesi gözləyir. Bu mərhələdə Avropa və Şimali Amerikadan olan dostlarımızın aktiv iştirakına çox böyük ehtiyac var".

Qeyd edək ki, bir qədər əvvəl D. Kuleba Rusiya tərəfi ilə yalnız qoşunların çıxarılmasından sonra müzakirə aparıla biləcəyi barədə bəyanat vermişdi.

Fərid Azəri