Annalena Berbok Kiyevə gəldi

Almaniyanın xarici işlər naziri Annalena Berbok sentyabrın 11-də Kiyevə gəlib. Onun səfəri, ehtimal ki, təhlükəsizlik səbəbi ilə əvvəlcədən elan edilməyib.

News24.az xəbər verir ki, bu barədə dw.com məlumat yayıb.

O, Kiyevə gələrkən deyib: “Ukrayna da azadlığı və hamımızı böyük cəsarət və qətiyyətlə müdafiə edir. Ukrayna bizim tərəfimizdən olduğu kimi, bizə də arxalana bilər”.

Berbok əlavə edib ki, Aİ hazırda Ukraynanın üzvlüyü ilə bağlı danışıqların başlanması ilə bağlı qərar hazırlayır: “Məhkəmə islahatlarının (Ukraynada - red.) və media qanunvericiliyinin nəticələri artıq görünür. Anti-oliqarxiya qanununun tətbiqi və korrupsiya ilə mübarizə hələ qarşıdadır”.

Bundan əlavə, Almaniya Xarici İşlər Nazirliyinin rəhbəri xatırladıb ki, Ukraynada qışa hazırlıq tam sürətlə gedir. Berbok uşaqların zorla Rusiyaya deportasiyası məsələsinə də toxunub: “Biz oğurlanmış uşaqların evlərinə qaytarılması üçün çalışan təşkilatları, Ukrayna hakimiyyətini və qeyri-hökumət təşkilatlarını dəstəkləyirik. Və beləliklə, bu cinayətlər açılsın. Beynəlxalq Cinayət Məhkəməsində irəli sürülən ittiham aktı da bu işə mühüm töhfədir”.

Akqabay