Yumurta yeməyin QIZIL QAYDASI

Tanınmış dietoloq Yevgeni Arzamastsev yumurtanın istehlak norması haqqında danışıb.

News24.az  Lent.az-a istinadən xəbər verir ki, müsahibə zamanı yumurtanın hansı aralıqlarda yeyilməsi lazım olduğunu deyib.

Onun sözlərinə görə, hər şey insanın sağlamlıq vəziyyətindən asılıdır. Belə ki, gənc və fiziki cəhətdən aktiv insanlar hər gün 1 və ya 2 yumurta yeyə bilərlər.

O bildirib ki, yumurtanın tərkibində orqanizm üçün lazım olan zülal və yağlarla yanaşı, A, D eləcə də B qrupu vitaminləri var.

"Yumurtanın tərkibində olan vitaminlərin hamısı aktivlik, immunitet və gündəlik rifah üçün çox faydalıdır", - deyə Yevgeni qeyd edib.

Həmçinin həkim səhhətində problem olanlara, məsələn, artıq çəki və ya aterosklerozdan əziyyət çəkənlərə daha az yumurta yeməyi məsləhət görüb. Çəkisi artıq olanların həftədə 2-3 dəfə 1 və ya 2 yumurta istehlak etmələri tövsiyə edilir.