Sumqayıtda evə silahlı hücum edən şəxs saxlanıldı- VİDEO

 Sumqayıtda fərdi yaşayış evinə silahlı hücum edərək 2 nəfəri qətlə yetirən və 4 nəfəri yaralayan şəxssaxlanılıb. 

News24.az-ın məlumatına görə, polis əməkdaşlarının keçirdiyi əməliyyat-axtarış tədbirləri nəticəsində 1987-ci il təvəllüdlü Müşviq Tağıyev hadisədə şübhəli şəxs qismində saxlanılıb. 

Məlumata görə, təqsirləndirilən şəxs bir müddət əvvələ qədər ailə ilə qonşu olub. 

Xatırladaq ki, hadisə oktyabrın 28-də saat 05:30 radələrində Sumqayıt şəhəri, 16-cı mikrorayonda yerləşən fərdi yaşayış evində baş verib. Naməlum silahlı şəxs evə hücum edərək Dağbəyi Fərəcovu və onun qızı Suzana Karakaşı güllələyərək qətlə yetirib, Suzananın həyat yoldaşı Serkan Karakaş və Dağbəyi Fərəcovun həyat yoldaşı Tərlan Fərəcova güllə yarası alıb.

Hadisə zamanı köməyə gələn qonşular Etibar Sarıyev və atası Mehman Sarıyev də müxtəlif dərəcəli xəsarətlər alıb.

Faktla bağlı cinayət işi başlanıb. 

Ətraflı RTV-də:

Samir Əli