Qəzzada əməliyyatlar yaxın həftələrdə başa çata bilər

İsrail Qəzzada Fələstinin radikal HƏMAS hərəkatına qarşı uzunmüddətli əməliyyat keçirə bilməyəcək. Müharibə Qərbin, xüsusən də ABŞ-nin artan narazılığı səbəbindən yaxın iki-üç həftə ərzində başa çatdırılmalıdır. 

News24.az xəbər verir ki, bu fikri “Politico” qəzetinə müsahibəsində İsrailin keçmiş baş naziri və keçmiş müdafiə naziri Ehud Barak deyib.

“Fürsətlər pəncərəsi bağlanır və aydındır ki, hücumla bağlı amerikalılarla gərginlik artacaq”, - Barak bildirib. 

Keçmiş baş nazir Vaşinqtonun İsrailin təhlükəsizliyinin əsas qarantı roluna işarə edərək, “Amerika İsrailə nə edəcəyini diktə edə bilməz, lakin biz də onlara məhəl qoymaya bilərik”, deyib. O qeyd edib ki, son vaxtlar Amerika rəsmilərinin ritorikası dəyişib və hərbi əməliyyatlarda humanitar fasiləyə çağırışlar getdikcə daha çox eşidilir.

O, hesab edir ki, Təl-Əvivin Vaşinqtonun tələblərini təmin etmək üçün “iki və ya üç həftədən çox vaxtı yoxdur”. Barak bildirib ki, HƏMAS-ın tam məğlubiyyəti bir neçə aydan bir ilə qədər davam edəcək, lakin Qərbin dəstəyi Qəzzada dinc əhali arasında ölənlərin sayı və İsrailin kampaniyasının bölgədə daha böyük və daha da fəlakətli müharibəyə səbəb olacağından qorxduğu üçün zəifləyir.

Onun sözlərinə görə, İsrailin hərbi əməliyyatından sonra çoxmillətli ərəb qüvvələri Qəzzaya nəzarəti ələ keçirməlidir.

Akqabay