Səhiyyə Nazirliyinin kollegiya üzvlərinin sayı azalıb

Azərbaycan Respublikası Səhiyyə Nazirliyinin kollegiyasının tərkibi dəyişib.

News24.az xəbər verir ki, bununla bağlı Baş nazir Əli Əsədov qərar imzalayıb.

Qərara əsasən,Azərbaycan Respublikası Səhiyyə Nazirliyinin kollegiyasının tərkibi 11 nəfərdən 9 nəfərə endirilir. Azərbaycan Respublikası səhiyyə nazirinin birinci müavini vəzifəsi də kollegiyanın tərkibindən çıxarılır.

Qeyd edək ki, Prezident İlham Əliyevin 27 oktyabr 2023-cü il tarixində imzaladığı fərmanla Səhiyyə Nazirliyi haqqında Əsasnaməyə edilən dəyişikliklə Səhiyyə nazirinin birinci müavini vəzifəsi ləğv edilib.