İnsanları ölümsüz edəcək layihə bu tarixdə REALLAŞACAQ

İnsanları ölümsüz edəcək "rəqəmsal ölümsüzlük" layihəsi 2045-ci ildə gerçəkləşəcək.

News24.az Publika.az-a istinadla xəbər verir ki, layihə həyata keçdikdə ölü insanların zehni kompüterə köçürüləcək və onlar rəqəmsal platformada sonsuza qədər yaşaya biləcəklər.

Mütəxəssislər layihənin ciddi travma və problemlərə səbəb olacağını deyirlər. Layihə rusiyalı milyarder Dmitri Itskova aiddir. Itskov kimi ekspertlər də 2045-ci ildə bu yolla rəqəmsal ölümsüzlüyün əldə ediləcəyini iddia edirlər.

Uşaq və yeniyetmə psixiatriya mütəxəssisi Hülya Bingöl Çağlayanın sözlərinə görə, "rəqəmsal ölümsüzlük" insanlara mənfi təsir edəcək: "Bu, insanların öz şəxsiyyətlərini və şüurlarını necə təyin etdiklərini də sual altına sala bilər. Həmçinin bir sıra etik problemlərə səbəb ola bilər. Məlumat oğruluğu, məxfilik, təhlükəsizlik və digər mühüm problemlər yarana bilər".

Dmitri Itskov ölməzliyə can atdığı Avatar layihəsində uğur qazansa, dünyanın 1226 ən zəngin şəxsinə ölümsüzlük satmağı təklif edəcəyini deyib.