"İtləri küçəyə atan şəxslərə sərt sanksiyalar tətbiq olunacaq"

İtlər və pişiklər üçün rəqəmsal izləmə sistemi yaradılacaq.

News24.az xəbər verir ki, bu barədə Gürcüstan Ətraf Mühitin Mühafizəsi və Təbii Sərvətlər Komitəsinin sədri Maya Bitadze məlumat verib.

O bildirib ki. bu sistem mərhələli şəkildə tətbiq olunacaq və heyvanlar həyat dövrü boyu hara getsələr, izlənəcəklər. Bütün subyektlər, sığınacaqlar, mehmanxanalar, baytarlıq klinikaları və s. bu proqrama çıxış əldə edəcək.

Onun sözlərinə görə, komitənin dinləmələri ayın 26-da başlayacaq və onlar bütün maraqlı tərəflərlə fəal əlaqə saxlayacaqlar.

“Bizim itləri küçəyə atan sahiblərə qarşı çox yüksək sanksiyalarımız olacaq. Bir çox başqa qaydalar da var. Onların arasında biz Maliyyə Nazirliyi ilə əlaqə saxladıq, həm sığınacaqların tikintisi, həm də sterilizasiya-kastrasiya prosedurlarının həyata keçirilməsi üçün bələdiyyələrə vəsait ayrılmalıdır. Ən əsası odur ki, biz qərarları çox tez qəbul etməliyik, heyvanların qeydiyyatı sürətlə başlamalıdır”, - deyə, Bitadze bildirib.