Rusiyadan Ukraynaya hücum: YARALILAR VAR

Rusiyanın Ukraynadakı müxtəlif bölgələrdə həyata keçirdiyi hücumlarda 11 nəfər yaralanıb, çoxlu sayda evə ziyan dəyib. Böyük Britaniyanın müdafiə naziri Qrant Şappz bəyan edib ki, ölkəsi və Latviya Ukrayna üçün PUA istehsalı üçün koalisiya yaradacaq. “Biz dronların quruda və dənizdə Ukraynada vurduğu zərbələri gördük” Şapps deyib.

News24.az xəbər verir ki, Rusiya səhər saatlarında Ukraynanın bir çox bölgəsinə raket zərbəsi endirib. Hücumlar nəticəsində şəhərlərin infrastrukturuna, ev və iş yerlərinə ziyan dəyib. Ukrayna Hərbi Hava Qüvvələri Rusiyanın atdığı 26 raketdən 13-nün vurulduğunu açıqlayıb.

Kiyevi hədəf alan bütün raketlərin vurulduğu öyrənilərkən, Kiyev bölgəsindəki yaşayış məntəqələrinə raket hissələrinin düşməsi nəticəsində 7 evin və çoxlu avtomobilin zədələndiyi bildirilib. Lvov vilayətinin qubernatoru Maksym Kozytskyi bildirib ki, Lvovda enerji obyektinin vurulması nəticəsində yanğın baş verib, 3 nəfər yüngül xəsarət alıb, 18 ev, 2 məktəb və 1 uşaq bağçasına ziyan dəyib. Rusiyanın Xmelnitski bölgəsi, Dnepr və Zaporojyada da infrastrukturu hədəf aldığı, Xmelnitskidə 2, Zaporojyada isə 6 nəfərin yaralandığı bildirilib. Zaporojyada evlərə, mağazalara və məktəbə də ziyan dəydiyi öyrənilib.

Günel Məlikzadə