Bakı metrosunda dəhşət – Sevgilisini vəhşicəsinə öldürmək istədi

Keçən ilin sentyabrında Bakı metrosunun Nəsimi stansiyasında baş vermiş bıçaqlanma hadisəsi ilə bağlı istintaq başa çatıb.

News24.az-ın məlumatına görə, Binəqədi rayon Prokurorluğunda 1972-ci il təvəllüdlü Abdullayev Vahid İnqilab oğlunun barəsində Cinayət Məcəlləsinin 29.120.2.4-cü, yəni xüsusi amansızlıqla və ya ümumi təhlükəli üsulla adam öldürməyə cəhd maddəsilə açılan işin materialları Bakı Ağır Cinyətlər Məhkəməsinə göndərilib. Məhkəmədə işə hakim İlham Mahmudovun sədrliyi ilə baxılacaq.

Qeyd edək ki, keçən ilin 4 sentyabr tarixində Bakı Metropoliteninin "Nəsimi" stansiyasında 1972-ci il təvəllüdlü Bakı şəhər sakini Quliyeva Elnarə Baloğlan qızını bıçaqlayan 1972-ci il təvəllüdlü Abdullayev Vahid İnqilab oğlu şübhəli şəxs qismində saxlanılıb.

V.Abdullayev E.Quliyeva ilə qeyri-rəsmi nikahda olub və hadisə qısqanclıq zəminində baş verib.